Hea 遊首爾 2017 (Day 5)

Day 5 ~

琴日落咗一整日雨, 今日又好天啦

今日諗住去樂天超市行吓, 晏 d 冇咁曬就上首爾塔

Lunch 喺明洞搵食, 入咗呢間

每個餐都包個湯, 但飲唔出喺咩湯, 唔似忌廉湯, 有少少似薯仔湯

個餐嚟到真係嚇親, 迷你豬排竟然大過我隻手

豬排飯塊豬排大過我塊面, 但飯就得少少

佢 d 餐咁大份, 兩個女仔 share 一個就差唔多

食飽去行樂天超市

有 d 嘢仲貴過 HK =.=

魚媽揀咗 d 生果

兩個橙要 4000 won, 仲貴過抽巨蜂

我哋不嬲都唔鍾意食巨蜂, 但買時冇留意,

結果真係瀨嘢, d 皮又厚又酸又澀

係時候去今日唯一一個景點 - 南山首爾塔

週圍都掛滿愛情鎖

晚餐又去返明洞食豬手 - Myth 豬蹄

白色嗰碟前菜, 魚媽夾起時俾我見到有條毛,

即時撳住魚媽唔俾佢食, 我只同佢講有條頭髮,

費事嚇親佢 haha 

豬手好好味, 一 d 肥膩嘅感覺都冇

點一份豬手會包一個沙律同一窩泡菜刀切麵

追加手抓飯、石窩蛋 & 魚丸湯