♥ 結婚週年紀念 ♥

大家唔好誤會, 慶祝結婚週年ge唔係我, 係魚爸同魚媽啫, 今年適逢新曆同農曆都係同一日, 咁就梗係要開心吓啦

 

朝早同佢哋飲吓茶先

 

夜晚, 就梗係我出馬啦

 

祝各位 blog 友 新年快樂, 由年頭開心到年尾

名副其實的速去速回

話說魚爸約咗大陸班親戚星期六晚喺中山開飯

, 咁唔使返工ge就早一日已經返咗去, 要返工嗰d就放咗工先去, 我哋3點多喺屯門出發, 原來e+經深圳灣過關係唔使落車架, 超方便, 仲要個中國關員又靚仔又nice, 真係要望多兩眼呀

 

本來預計5點多到達, 點知........... 有段路塞車塞到嘔, 結果要7點幾先到

 

好啦, 諗住可以坐底慢慢食飯, 可能坐車太耐, 冇乜胃口, 咁咪周圍寒暄吓囉, 點知8點幾已經有人話食飽要走喎

 , 結果擾攘多一陣就大家一齊起錨

 

其實最辛苦ge都係做司機嗰個, 抖唔夠兩個鐘, 又話要出發返香港, 仲要我哋個個都食唔飽, 返到嚟仲要去食宵夜呀

 

 

著哂魔喇~~~

鐘意 Lion King, 係因為 Mufusa & Simba

 

 

鐘意美女與野獸, 係因為片入面隻野獸

 

鐘意魔幻王國, 又係因為 Aslan

 

我真係著哂魔喇

Hap...Hap...Happy Birthday to 大雄

上個星期大雄生日, 我哋做細ge就梗係要出錢出力同佢賀壽啦

, 我哋揀咗去別府, 原本想食嗰個便當今期轉咗係牛柳, 咁就唯有選呢個啦

再戰日式放題

禮拜六, 有節目............家人朋友齊歡聚

 

 

琴日一行九人去咗佐敦食日式放題, 唔知係咪人比較多呢, 呢間比我ge感覺係有d亂, 漏單同重單ge情況比較多

, 都係旺角嗰間好d

 

  

  

  

 

食完嘢, 就梗係要散吓步啦, 嘩~ 已經人山人海喇

 

  

老夫老妻的甜蜜時刻

「試吓d紅豆冰吖!!」老公用小匙羹將紅豆冰遞到老婆咀邊

「哎呀~ 你自己食啦.....」老婆敵不過老公的痴纏, 一嗒食咗d紅豆冰

「食多羹吖~」老公又整多羹比老婆

跟住以上ge情節又再重演一次

 

去到呢度, 大家係咪覺得好冤氣兼冇眼睇呢, 咪以為呢情節係後生仔專利, 連加埋過百歲ge老夫老妻都會架, 其實以上ge主角...........實不相瞞, 係魚爸同魚媽

 

有一日同佢哋去食下午茶, 佢哋竟然........................, 搞到我好似搭枱咁

清湯蜆

今日又手痕, 跟住唐安麒個blog入面d食譜, 整咗個清湯蜆

 

個湯係用香矛、南薑、檸檬葉同洋蔥慢火煲20分鐘, 等d香料ge味出哂先放蜆入去煮熟, 個湯好香, 仲有d冬陰公feel tim

 

姐手姐腳ge我, 今次又要搵人救駕喇...............

 

當我準備好哂d材料, 首先就爆香d洋蔥, 嘩~~~ 一倒d洋蔥落個煲度, 噼嚦啪啦之聲不絶於耳, 嚇到我瑟縮喺廚房ge一角, 冇幾耐魚爸就走入嚟救我, 仲同我講 :「d洋蔥得把聲咋嘛, 使乜咁驚.....」

 

好啦, 到我倒咗d蜆落個煲之後, 咪諗住可以走人囉

, 點知魚媽同我講 :「你走架嗱? d蜆個殼就爆lu喎!!」 我話 :「吓?! 你又知佢就爆??」 魚媽用個好得戚ge樣望住我 :「你一路望住佢咪知囉~」 魚媽唔知點解突然間咁有幽默感呢

 

 

飄來榴槤之香~~

估唔到今日都仲收到冰皮月餅, 細佬話佢食過好正, 所以買返嚟比我哋食喎, 乜e+仲有月餅賣架咩

唔理lu, 最緊要好食冇過期

榴槤冰皮月餅

我唔太鐘意食冰皮月餅架, 不過呢個真係好好味, 入面勁多榴槤肉, 個味都好自然, 好似新鮮榴槤肉咁, 我諗我可以一次食一個呀

仲有一盒D24榴槤ice-cream, 不過呢個未食, 唔知係咪都係咁好食呢