素鱔 & 日式咖喱傻仔排骨

上星期睇「食平D」學 ge, 趁星期六兩個姨甥過嚟食飯,
就搵佢哋做白米奇先

第一樣~~ 素鱔鮮冬菇好難搞, 一剪就爛
我仲要用水洗, 搞到 d 菇上粉時好濕今次做得唔好, 有待改善

第二樣~~ 日式咖喱傻仔排骨
我又學電視教咁用可樂
可能用咗可樂 ge 關係, d 汁好快就好杰
搞到我 d 傻仔唔夠淋, 要加水再煮
好彩.........一樣咁好味

我剩搞呢兩樣嘢都出哂汗, 如果連廚房都有冷氣就好喇

Mother's Day 2013

2013年 ge 母親節, 冇乜特別慶祝
星期六約咗弟婦陪魚爸媽打麻雀, 晚餐就只係叫咗 pizza & chicken
其實對於父母嚟講, 食乜唔重要, 至緊要係一家人一齊開開心心咁過

母親節正日, 見冇嘢做,
又諗起肥媽之前講 ge 自家海鮮餐咁平, 又想試吓囉

本來想試椒鹽瀨尿蝦, 但街市一隻瀨尿蝦都冇
結果只係買咗幾隻蟹仔, 要嚟整咖喱蟹


再嚟豉椒炒蜆

仲有清蒸沙巴龍躉

以上 d 餸都係魚媽整 ge, 我.......只係整咗呢個金菇豚肉卷

 

以下就係姨甥仔、女預備ge
母親節蛋糕一個


仲有聲稱用唔知乜乜技術令到佢兩至三年都唔會謝 ge 玫瑰花

願天下 ge 父母親永遠開心、快樂 !!!!