2012年11月29日 星期四

燻魚。沙拉骨。馬拉糕

酸酸甜甜 ge 餸就至啱我胃口, 咁啱喺網上睇到呢兩樣嘢, 又想試吓整

呢兩樣餸都係將材料半煎炸至熟透再回鑊淋上醬汁兜兩兜就得

聽落好似好易, 但到自己落手做就死得

我攞住個鑊蓋做盾牌都唔掂, d 肉一落鑊就嚇死咗, 要魚媽出手打救,
魚媽話 d 肉太濕, 搞到 d 油勁彈

燻魚 ~ 出面就食得多, 冇諗過自己都整到, d 魚仲係硊硊哋架

 

沙拉骨 ~ 原來沙律醬加煉奶一 d 都唔怪架
 

 

馬拉糕 ~ 最近整咗兩次白糖糕都失敗, 轉整馬拉糕, 原來呢個仲易整

 
可惜唔夠酒樓食嗰d咁鬆軟, 有待改良....有待改良....

2012年11月14日 星期三

魚媽's B-Day


上個星期五魚媽正日生日, 諗住請假陪佢飲茶行街啦,
點知佢一早起身嗌頭暈, 生日先嚟病, 真係..............

好彩提早同佢慶祝咗啫, 唔係就掃興lu

嗰日我哋去咗打邊邊

辣雞煲, 食完 d 雞就加湯打邊邊, 對我嚟講就辣咗d

 


火焰龍蝦鍋 - 佢係喺個鍋入面點火架, 不過我影唔到