「試吓d紅豆冰吖!!」老公用小匙羹將紅豆冰遞到老婆咀邊
「哎呀~ 你自己食啦.....」老婆敵不過老公的痴纏, 一嗒食咗d紅豆冰
「食多羹吖~」老公又整多羹比老婆
去到呢度, 大家係咪覺得好冤氣兼冇眼睇呢, 咪以為呢情節係後生仔專利, 連加埋過百歲ge老夫老妻都會架, 其實以上ge主角...........實不相瞞, 係魚爸同魚媽
有一日同佢哋去食下午茶, 佢哋竟然........................, 搞到我好似搭枱咁
今日又手痕, 跟住唐安麒個blog入面d食譜, 整咗個清湯蜆
個湯係用香矛、南薑、檸檬葉同洋蔥慢火煲20分鐘, 等d香料ge味出哂先放蜆入去煮熟, 個湯好香, 仲有d冬陰公feel tim
姐手姐腳ge我, 今次又要搵人救駕喇...............
當我準備好哂d材料, 首先就爆香d洋蔥, 嘩~~~ 一倒d洋蔥落個煲度, 噼嚦啪啦之聲不絶於耳, 嚇到我瑟縮喺廚房ge一角, 冇幾耐魚爸就走入嚟救我, 仲同我講 :「d洋蔥得把聲咋嘛, 使乜咁驚.....」
好啦, 到我倒咗d蜆落個煲之後, 咪諗住可以走人囉
, 點知魚媽同我講 :「你走架嗱? d蜆個殼就爆lu喎!!」 我話 :「吓?! 你又知佢就爆??」 魚媽用個好得戚ge樣望住我 :「你一路望住佢咪知囉~」 魚媽唔知點解突然間咁有幽默感呢