端午節 の 下午茶篇

每逢holiday都會瞓到黃朝百晏先起身

, 出到去已經係下午茶時間, 今日就揀咗間好耐冇去ge韓國餐廳, 食飽飽先去行街街

DiNNer @ Tao Heung

星期一阿媽話唔煮飯要出去食喎, 咁就揀咗間最近重開ge稻香超級漁港, 我之前喺網上見到d人話呢期送波士頓龍蝦, 但去到又唔見有推介, 咁咪問吓d侍應囉, 點知個侍應竟然話冇聽過喎,

吓!? 唔係啩? 後來個侍應話去問吓經理, 原來佢話稻香分好多條線, 咁啱呢間冇喎, 不過唔緊要, 一樣無損食飯ge心情

 

孖寶一 : 松露汁煎班片 & 陳皮杞子蒸班腩, 個松露汁好味, d魚都好滑

 

孖寶二 : 北菇鵝掌 & 瑤柱扒菜苗

 

 

仲有就係老豆最鐘意ge咖哩燜雞併煎餅, 個咖嘢好香

我的家樂氏Special K

眼見體重不斷上升, 脂肪就日積月累咁往腿上爬, 褲管就一日窄過一日, 小啤梨就嚟要變成大啤梨喇

!!!!!

 

早前已經開始喺晚餐減少食飯同食肉ge份量, 體重開始有少少回落, 但象腿情況仍然持續, 最衰我又C懶, 唔鐘意做運動, 只靠一星期兩堂瑜伽似乎唔係好夠, 咪唯有又從飲食方面入手囉, 咁啱今日行過超市, 見到最近成日喺電視賣廣告ge家樂氏Special K

, 脂肪含量低於2%, 一於買嚟試吓先, 一包夠我食4-5日, 唔知兩個星期後會唔會有進展呢

歷史博物館一天遊

話說係過去ge復活節假期, 特別安排咗一日去行吓呢個歷史博物館, 最初仲驚會有d悶, 點知最有興趣嗰個竟然係我老爹wor

自由式豬軟骨

上網見到d人整豬軟骨好似好好味咁, 今日又手痕整返個先

~



醃製中的豬軟骨

配料同料味料

製成品

整呢個餸都幾花時間, 我用高速煲整, 第一次煮咗15分鐘, 熄火焗一陣, 跟住又再開火煮5-8分鐘, 如是者重覆兩次, 最後一次加入薯仔同甘荀再煮8-10分鐘即成。



味道都ok架, 個汁要嚟撈飯仲好好味tim, 不過賣相就...........唉~ 下次要再試過先得

Sushi Sushi~

琴日同老爹老媽行街順便食lunch, 咁啱行過板長, 咦?! 冇乜人bor, 就食Sushi啦~

主角? 配角?

早幾日聽到朋友話打邊爐, 搞到我d邊癮又發作tim, 結果琴晚決定喺屋企打邊邊 ~

不過我想講ge主角其實係.......張枱, 最近睇雜誌見到一d懷舊家具, 原來我屋企都有架, 除咗呢張枱, 仲有一把電風扇同埋一個櫳, 樣樣都大過我, 個櫳仲要係阿媽ge嫁妝tim, e+入面仲裝住阿媽結婚時d裙架, 有時我哋都會攞出嚟懷舊吓, 我諗如果有d懷舊party, 都可以問阿媽借衫 \(^o^)/