Lunch Buffet @ King Ludwig

一直都想同屋企人試呢間餐廳, 不過晚餐唔太啱佢哋口胃,
因此上個星期日一行 8 人去試佢哋 ge lunch buffet


天氣咁熱, 我當然預早 book 定坐室內啦


見到呢隻包, 我諗起飄零燕, 忍唔住攞個嚟配芝士醬食




食德國嘢, 當然要配返杯德個啤啦
bill 媽~ 其實我好少飲酒架, 你唔水買定啤酒招呼我架
即燒 ge 香腸好味呀, 食到呢度, 我已經飽咗一半

當然唔少得燒豬手啦,
仲有燒豬肋骨同燒雞脾 (呢兩樣唔記得影), 樣樣都好好味

我好想食咖喱, 不過只有咖喱牛腩, 我唔食牛架
即煮意粉我都想試, 不過太飽, 決定放棄

輪到甜品時間啦
有爆谷、熱香橙 pancake、蛋糕、生果、朱朱力噴泉、
mousse、puding、waffle、dreyers 雪糕.......等等

呢間 ge lunch buffet 唔錯, 可以 encore

游水。Pizza。泡菜炒年糕

屋企附近最近開咗個泳池, 星期六即興到連飯都唔煮, 一家大細去游水
   

勁多年冇喺香港游水啦, 一來自己唔曉游水,
二來........太肥啦, 著起泳衣, d 肉唧哂出嚟

幸好呢個泳池容許著白色 T-shirt & 沙灘褲, 咁都可以遮到 d 肥肉,
唔太礙眼, 勉強可以接受

之前收到泰媽比 ge pizza 食譜, 好想快 d 整嚟試吓
我做咗個好大路 ge 款式,
用咗茄膏、雞肉、波蘿、mozarella & parmesan cheese
個食譜話個麵團能夠發酵一倍咁大, 但我冇囉,
仲要好似冇大過咁, 唔知咩地方出錯咗
出嚟 ge 效果係...........唔難食囉, 批邊都脆 ge,
但硬係覺得同出面食到 ge pizza 唔係好同
 

兩個 pizza 驚唔夠飽, 整多碟泡菜炒年糕, 今次用咗炒年糕醬,
好好味......個年糕醬

Father's Day & 魚爸's B-Day

每年 ge 父親節同魚爸 ge 農曆生日都相距甚近,
所以一直以嚟都會生日 & 父親節一齊慶祝

今年揀咗去稻香食飯, 呢個餐..........我覺得麻麻哋啫
 

 

 
 

成個餐最好食我覺得係個紅棗糕囉

 
我哋8個人, KO 咗一個12人餐, 好勁架呢

父親節正日, 梗唔少得的、由姨甥仔女負責的父親節蛋糕一個

素鱔 & 日式咖喱傻仔排骨

上星期睇「食平D」學 ge, 趁星期六兩個姨甥過嚟食飯,
就搵佢哋做白米奇先

第一樣~~ 素鱔鮮冬菇好難搞, 一剪就爛
我仲要用水洗, 搞到 d 菇上粉時好濕今次做得唔好, 有待改善

第二樣~~ 日式咖喱傻仔排骨
我又學電視教咁用可樂
可能用咗可樂 ge 關係, d 汁好快就好杰
搞到我 d 傻仔唔夠淋, 要加水再煮
好彩.........一樣咁好味

我剩搞呢兩樣嘢都出哂汗, 如果連廚房都有冷氣就好喇