我的家樂氏Special K

眼見體重不斷上升, 脂肪就日積月累咁往腿上爬, 褲管就一日窄過一日, 小啤梨就嚟要變成大啤梨喇

!!!!!

 

早前已經開始喺晚餐減少食飯同食肉ge份量, 體重開始有少少回落, 但象腿情況仍然持續, 最衰我又C懶, 唔鐘意做運動, 只靠一星期兩堂瑜伽似乎唔係好夠, 咪唯有又從飲食方面入手囉, 咁啱今日行過超市, 見到最近成日喺電視賣廣告ge家樂氏Special K

, 脂肪含量低於2%, 一於買嚟試吓先, 一包夠我食4-5日, 唔知兩個星期後會唔會有進展呢

歷史博物館一天遊

話說係過去ge復活節假期, 特別安排咗一日去行吓呢個歷史博物館, 最初仲驚會有d悶, 點知最有興趣嗰個竟然係我老爹wor

自由式豬軟骨

上網見到d人整豬軟骨好似好好味咁, 今日又手痕整返個先

~



醃製中的豬軟骨

配料同料味料

製成品

整呢個餸都幾花時間, 我用高速煲整, 第一次煮咗15分鐘, 熄火焗一陣, 跟住又再開火煮5-8分鐘, 如是者重覆兩次, 最後一次加入薯仔同甘荀再煮8-10分鐘即成。



味道都ok架, 個汁要嚟撈飯仲好好味tim, 不過賣相就...........唉~ 下次要再試過先得

Sushi Sushi~

琴日同老爹老媽行街順便食lunch, 咁啱行過板長, 咦?! 冇乜人bor, 就食Sushi啦~

主角? 配角?

早幾日聽到朋友話打邊爐, 搞到我d邊癮又發作tim, 結果琴晚決定喺屋企打邊邊 ~

不過我想講ge主角其實係.......張枱, 最近睇雜誌見到一d懷舊家具, 原來我屋企都有架, 除咗呢張枱, 仲有一把電風扇同埋一個櫳, 樣樣都大過我, 個櫳仲要係阿媽ge嫁妝tim, e+入面仲裝住阿媽結婚時d裙架, 有時我哋都會攞出嚟懷舊吓, 我諗如果有d懷舊party, 都可以問阿媽借衫 \(^o^)/

恭喜發財~

年, 又過年, 共慶歡樂年年.........

新ge一年又到喇, 我喺度祝各位blog友身體健康、事事如意、心想事成

一年一仆

舊年就喺某巴士站仆到個膝頭哥損哂, 今年事發地點就係估都估唔到ge地方 - 屋企門口

........

 

今日返到屋企好正常咁開鐵閘, 一開就聽到阿媽話"小心......", 句說話都未講完, 我就成個人飛扒咗入屋

; 事源阿媽唔知點解喺門口度加咗塊板, 我又冇為意喎, 就係咁就仆咗喺度, 嚇到阿媽即刻飛撲埋嚟扶起我。

 

事後檢查傷勢, 上五寸下五寸比塊木板慣到瘀咗, 一隻手指冇咗一小忽肉

 

唔知係咪仆傻咗, 呢件事竟然令我笑咗成晚