生人唔生膽 @.@

話說琴晚臨瞓前我挨喺張床度睇雜誌之際, 忽然聽到 d 小昆蟲拍翼 ge 聲音, 一抬頭就見到隻飛蛾喺天花板度係咁拍

, 我驚到用張被冚住自己, 跟住慢慢申隻手同個頭出嚟熄燈兼裝吓佢囉

, e+諗返起都唔知點解要慢慢呢, 好似驚佢聽到聲會飛撲埋嚟咁, 仲搞到差 d 畀本雜誌界親條頸 tim

, 諗住過一陣佢會飛走啦, 點知事與願違

, 佢仲起勢咁拍對翼, 算~~ 都係開返燈先, 因為見唔到佢我仲驚, 冇耐佢竟然停咗喺牆度, 見佢停咗喺度我都定 d, 我望住佢, 個心喺度諗 "

唔好郁... 唔好郁...." 跟住繼續睇書啦, 又過咗一陣, 突然聽到床隔離張枱 "啪" 咗一聲, 係一 d 嘢跌落嚟 ge 聲, 我即刻望吓乜料,

原來係隻飛蛾瞓咗喺度, 仲要係腳仔朝天嗰隻, 嘩~~ 我真係唔敢執

, 我驚一郁佢, 佢就飛畀我睇, 結果....... 都係要嗌魚媽過嚟搞掂佢, 原來隻嘢真係未 C 架, 不過魚媽都冇整 C 佢, 仲將佢帶到窗外放生

Sweetheart's B-day Dinner

上次去到摸門釘, 今次終於試到呢間由社企協辦 ge 餐廳

環境唔錯, 服務亦都好好, 不過食物只可以叫做 ok

 

 

 

 

 

 

同場加映 ~ 為食污糟貓一隻

勞氣

屋企個廚房上個月 25 號開始裝修, 所有嘢都要拆哂, 本來間裝修公司話中秋節前一定比到我哋, 但佢上個星期五竟然話要多10日時間, 咁工程 ge 嘢, 我都明有早有遲, 但佢哋遲交貨原因係錯漏百出, 估唔到整個細細哋 ge 廚房都咁鬼勞氣............

 

第一日嚟拆嘢, 一大堆泥頭放咗喺廚房兩日冇人理, 仲要搞到樓下個天花滲水

 

厠所同廚房門竟然可以開錯方向, 仲想抵賴話我哋之前嗰個方向冇理由開到門, 跟住我哋唔理, 要佢換

 

個厠所門框整完之後比我哋發現原來彎咗, 門鎖同框之間嗰條罅隙起碼有0.7cm, 而門 ge 上下位置罅隙唔多於0.3cm

 

我哋買咗個嵌入式煤氣爐, 比哂尺寸個師父, 點知到煤氣公司師父嚟換喉時發現個散熱位唔夠闊, 跟住仲比我哋發現本來係夠闊架, 但個師父因為做錯嘢, 個位根本放唔落個爐, 咁佢就將個散熱位縮窄 d , 個判頭仲好笑, 話一係個灶頭位唔改, 叫我哋換個個細 d ge 爐

, 我哋當然唔理佢, 要佢改啦, 我唔使佢拆過佢再做過已經算係咁啦

 

到整個廚房門, 以為冇乜嘢, 個判頭叫魚弟 check 吓有冇問題, 唔 check 由自何, 一 check 就發現, 點解度門上下調轉咗架, 仲要個門框冇整到門較位, 搞錯

, 我哋唔發現, 佢咪過關囉, 個判頭仲話寧願幫我哋將個厠所門調轉佢, 就返個廚房門喎, 佢話佢再買過度廚房門要蝕喎, 冇有搞錯, 我真係接受唔到囉, 唔理, 又要佢換

 

真係估唔到, 嗰少少工程竟然做成咁, 呢間工程公司我以後都要 black list 佢呀

 

飯後甜品

早兩日行過吉豬島, 見到有馬來西亞水果買, 梗係要買返 d 嚟食吓啦, 魚宅有三位成員都係榴槤愛好者,

結果就買咗兩個榴槤 - D24 & 貓山王

我冇偏心架, 我都買咗個韓國西瓜比唔食榴槤 ge 家族成員

再加埋呢個椰汁千層糕, wo......... 好滿足呀

死症...........

琴日同魚媽去超級市場入貨

, 到比錢嗰陣, 魚媽執好哂 d 嘢行咗出門口, 我就負責比錢, 個 cashier 問我有冇 coupon, 我答佢 「冇...」, 比完錢就梗係會合返魚媽啦, 魚媽問我有冇用到張 coupon,

嗰吓我先如夢初醒, 我係揸住一張買滿 180 蚊, 可以減 18 蚊嘅 coupon

 

唉~~ 咁快就有老人痴呆症, 睇嚟我都係冇得醫架喇

從未如此放肆過

琴晚約咗同事去 8 度海逸食 buffet, 食咗好多嘢, 好飽

, 最緊要係好開心, 因為有田田妃喺度, 佢真係有能力令到我哋笑到扒喺度

連杯子都要傾斜 8 度, 酷呀

跟住數吓自己食過 d 咩先

1.  生蠔 6 隻

2.  蟹腳 5 隻、青口 2 隻、蝦 7 隻、翡翠螺 2 隻

3.  魚生7件

4.  蕃茄伴水牛芝士 & 吞拿魚

5.  熱葷 1 碟

6.  蛋糕 total 5件 再加多杯哈根大師

真係 mission impossible 呀