話說琴晚臨瞓前我挨喺張床度睇雜誌之際, 忽然聽到 d 小昆蟲拍翼 ge 聲音, 一抬頭就見到隻飛蛾喺天花板度係咁拍 , 我驚到用張被冚住自己, 跟住慢慢申隻手同個頭出嚟熄燈兼裝吓佢囉 
, e+諗返起都唔知點解要慢慢呢, 好似驚佢聽到聲會飛撲埋嚟咁, 仲搞到差 d 畀本雜誌界親條頸 tim 
, 諗住過一陣佢會飛走啦, 點知事與願違 
, 佢仲起勢咁拍對翼, 算~~ 都係開返燈先, 因為見唔到佢我仲驚, 冇耐佢竟然停咗喺牆度, 見佢停咗喺度我都定 d, 我望住佢, 個心喺度諗 " 
唔好郁... 唔好郁...." 跟住繼續睇書啦, 又過咗一陣, 突然聽到床隔離張枱 "啪" 咗一聲, 係一 d 嘢跌落嚟 ge 聲, 我即刻望吓乜料, 
原來係隻飛蛾瞓咗喺度, 仲要係腳仔朝天嗰隻, 嘩~~ 我真係唔敢執 
, 我驚一郁佢, 佢就飛畀我睇, 結果....... 都係要嗌魚媽過嚟搞掂佢, 原來隻嘢真係未 C 架, 不過魚媽都冇整 C 佢, 仲將佢帶到窗外放生 
2011年10月4日 星期二
生人唔生膽 @.@
訂閱：
張貼留言 (Atom)
魚媽媽 ~ 你咪理佢啦............咁大條魚應該自己處理到架嘞, 佢下次再嗌, 你咪開門揼條魚出門口, 咁佢咪睇唔到囉.....
回覆刪除[版主回覆10/05/2011 12:01:00]好彩魚媽愛心爆棚, 一 d 都唔似你啫
同上.....................................
回覆刪除[版主回覆10/05/2011 12:01:00]同下.................
hi, 魚魚, 有時我見到 飛蛾無理ar., 啪啪吓佢, 佢飛返出去喎hehehe
回覆刪除[版主回覆10/05/2011 12:05:00]我都諗住佢會飛走架, 點知佢仲跌到腳仔朝天咁, 我最怕昆蟲架
飛蛾唔駛理佢架, 又唔好拍C佢喎由佢囉, 佢又唔會咬......,
回覆刪除好似魚媽媽將佢放生就very good la !
[版主回覆10/07/2011 09:03:00]我係最怕佢飛落我度啫, 之前都試過熄咗燈佢就好快走, 呢隻就............
升級Bldg如何?
回覆刪除[版主回覆10/08/2011 09:10:40]唔好用, 唔鐘意, 又用唔到公仔 >.<
飛蛾唔可以殺架 , 你由得佢啦 , 佢望多你2眼就唔望你架喇...
回覆刪除[版主回覆10/11/2011 09:10:56]我冇殺佢呀, 佢見到我暈咗咋, 未死架, wakakaka
唔係好識睇個新blog.....tim
回覆刪除[版主回覆10/11/2011 09:13:45]我都仲摸索緊, 最唔鐘意冇哂 d 表情公仔 =.=