2013新年假期回顧

蛇年一開始，我就蛇住咁過，成個假期都係食、玩、瞓

人哋就回顧2012年做過 d 乜，我就回顧呢個新年食過 d 乜

係呀，又係食，食對我嚟講應該係最重要架

魚家團年飯 ~ 今年叫咗個盤菜,
呢個盤菜係我食過 ge 外賣盤菜中最好食 ge


過年又點少得零食吖

成日聽人講伊朗開心果 (左) 好味過美國開心果(右)，我又買嚟試吓先
我就覺得分別唔大，但魚家各人都話真係伊朗嗰隻好味 d 喎

仲有齋雞粒同花生糖
齋雞粒已經好耐冇食喇， 至怕有油膱味，好彩呢間冇


早排家居電話續約，送咗個光波爐，我又學人哋整叉燒
個樣........都幾似吖
 

我要搵多 d 光波爐食譜，趁未厭玩多 d

韓食。自家製黑糖薑茶

舊年除夕諗住去 ge 韓式小店, 當日去到竟然唔做生意,
早兩日終於都試到喇, 再望埋佢個營業時間,
原來逢星期一休息

食物選擇比較少, 座位亦唔多, 只有20個左右

紫菜卷 - 好味


雞肉石頭鍋飯

炸醬麵

泡菜煎餅


豆腐鍋

炒粉絲

炒年糕

食完唔會口渴, 證明冇味精, 讚

講完外食, 跟住就嚟個...........自家製黑糖薑茶喇

我將 d 薑用攪拌機打碎, 跟住將黑糖同薑放埋一齊蒸40分鐘
我係參考小菲菲俠個食譜, 薑 & 黑糖 ge 份量大約係1:1


出嚟個效果好似好水咁,
同埋 d 薑蓉唔夠蓉, 下次試吓用磨薑嗰舊嘢試吓先
我仲未試飲架, 唔知掂唔掂, 不過聞落陣味就勁似薑醋, 啱我

開心時刻 Pixxa hxt

星期六, 約咗幾個舊同學喺荃灣食晚飯

中午放工後, 去咗間出名出菜慢 ge 餐廳, hea 住食
兩點去到, 食到三點半先走, 仲有條魚魚陪我食 lunch
 

 

晚餐我哋去咗 Pixxa Hxt
呢個芝士火鍋真係................ , 芝士鍋+埋碟雜不甩, 貢就$26x 

仲有個4人套餐, 再加埋散叫咗幾款小食, 呢 d 好好多

 

 
六個大人+三細路, 基本上係 o趙唔哂,
最後要夾手夾腳清哂 d 食物, 唔好嘥嘢吖嘛

打邊邊。甜品

呢排咁凍, 打邊邊就最啱, 一邊烚一邊食,
唔怕 d 嘢食凍哂都未塞到入口

有日魚弟同朋友出海釣魚, 攞咗 d 戰利品返嚟


條魚起咗肉要嚟打邊邊, d 蝦係餵魚餵唔哂, 攞返嚟餵人
 

今次湯底係冬陰公同肉骨茶; 鬼馬油條......我覺得咕嚕會好食 d

 

打邊邊前, 整咗個小食, 白酒忌廉煮青口
 

早排行超市, 見到雪糕減價

讀書時期, 至鍾意天寒地凍食雪糕, 越凍越過癮,
e+ 年紀大咗, 食完凍到震, 一 d 都唔過癮