開心時刻 Pixxa hxt

星期六, 約咗幾個舊同學喺荃灣食晚飯

中午放工後, 去咗間出名出菜慢 ge 餐廳, hea 住食
兩點去到, 食到三點半先走, 仲有條魚魚陪我食 lunch
 

 

晚餐我哋去咗 Pixxa Hxt
呢個芝士火鍋真係................ , 芝士鍋+埋碟雜不甩, 貢就$26x 

仲有個4人套餐, 再加埋散叫咗幾款小食, 呢 d 好好多

 

 
六個大人+三細路, 基本上係 o趙唔哂,
最後要夾手夾腳清哂 d 食物, 唔好嘥嘢吖嘛

打邊邊。甜品

呢排咁凍, 打邊邊就最啱, 一邊烚一邊食,
唔怕 d 嘢食凍哂都未塞到入口

有日魚弟同朋友出海釣魚, 攞咗 d 戰利品返嚟


條魚起咗肉要嚟打邊邊, d 蝦係餵魚餵唔哂, 攞返嚟餵人
 

今次湯底係冬陰公同肉骨茶; 鬼馬油條......我覺得咕嚕會好食 d

 

打邊邊前, 整咗個小食, 白酒忌廉煮青口
 

早排行超市, 見到雪糕減價

讀書時期, 至鍾意天寒地凍食雪糕, 越凍越過癮,
e+ 年紀大咗, 食完凍到震, 一 d 都唔過癮

燻魚。沙拉骨。馬拉糕

酸酸甜甜 ge 餸就至啱我胃口, 咁啱喺網上睇到呢兩樣嘢, 又想試吓整

呢兩樣餸都係將材料半煎炸至熟透再回鑊淋上醬汁兜兩兜就得

聽落好似好易, 但到自己落手做就死得

我攞住個鑊蓋做盾牌都唔掂, d 肉一落鑊就嚇死咗, 要魚媽出手打救,
魚媽話 d 肉太濕, 搞到 d 油勁彈

燻魚 ~ 出面就食得多, 冇諗過自己都整到, d 魚仲係硊硊哋架
 

沙拉骨 ~ 原來沙律醬加煉奶一 d 都唔怪架
 

 

馬拉糕 ~ 最近整咗兩次白糖糕都失敗, 轉整馬拉糕, 原來呢個仲易整

 
可惜唔夠酒樓食嗰d咁鬆軟, 有待改良....有待改良....

魚媽's B-Day

上個星期五魚媽正日生日, 諗住請假陪佢飲茶行街啦,
點知佢一早起身嗌頭暈, 生日先嚟病, 真係..............

好彩提早同佢慶祝咗啫, 唔係就掃興lu

嗰日我哋去咗打邊邊

辣雞煲, 食完 d 雞就加湯打邊邊, 對我嚟講就辣咗d

 

火焰龍蝦鍋 - 佢係喺個鍋入面點火架, 不過我影唔到