Father's Day & 魚爸's B-Day

每年 ge 父親節同魚爸 ge 農曆生日都相距甚近,
所以一直以嚟都會生日 & 父親節一齊慶祝

今年揀咗去稻香食飯, 呢個餐..........我覺得麻麻哋啫
 

 

 
 

成個餐最好食我覺得係個紅棗糕囉

 
我哋8個人, KO 咗一個12人餐, 好勁架呢

父親節正日, 梗唔少得的、由姨甥仔女負責的父親節蛋糕一個

素鱔 & 日式咖喱傻仔排骨

上星期睇「食平D」學 ge, 趁星期六兩個姨甥過嚟食飯,
就搵佢哋做白米奇先

第一樣~~ 素鱔鮮冬菇好難搞, 一剪就爛
我仲要用水洗, 搞到 d 菇上粉時好濕今次做得唔好, 有待改善

第二樣~~ 日式咖喱傻仔排骨
我又學電視教咁用可樂
可能用咗可樂 ge 關係, d 汁好快就好杰
搞到我 d 傻仔唔夠淋, 要加水再煮
好彩.........一樣咁好味

我剩搞呢兩樣嘢都出哂汗, 如果連廚房都有冷氣就好喇

Mother's Day 2013

2013年 ge 母親節, 冇乜特別慶祝
星期六約咗弟婦陪魚爸媽打麻雀, 晚餐就只係叫咗 pizza & chicken
其實對於父母嚟講, 食乜唔重要, 至緊要係一家人一齊開開心心咁過

母親節正日, 見冇嘢做,
又諗起肥媽之前講 ge 自家海鮮餐咁平, 又想試吓囉

本來想試椒鹽瀨尿蝦, 但街市一隻瀨尿蝦都冇
結果只係買咗幾隻蟹仔, 要嚟整咖喱蟹


再嚟豉椒炒蜆

仲有清蒸沙巴龍躉

以上 d 餸都係魚媽整 ge, 我.......只係整咗呢個金菇豚肉卷

 

以下就係姨甥仔、女預備ge
母親節蛋糕一個


仲有聲稱用唔知乜乜技術令到佢兩至三年都唔會謝 ge 玫瑰花

願天下 ge 父母親永遠開心、快樂 !!!!

烤雞。紫菜卷。卡邦尼長通粉

得閒冇事做, 我又嚟試整 d 新嘢

韓式青瓜蟹柳紫菜包飯
5 塊紫菜, 兩 mug 米, 仲以為飯會有多, 點知反而唔夠
下次要預 2.5-3.0 mug 米先得

蜜味烤雞
個皮雖然肉酸咗d, 但係個皮好脆架, 我 like


卡邦尼長通粉
睇個食譜, 一 d 都唔難煮, 但我就..........
個食譜教將醬汁倒落意粉度快手兜廿秒,
我見 d 芝士好似唔溶咁, 就繼續開住火嚟兜,
結果醬汁入面 ge 蛋熟哂

下次要跟足食譜再試吓先得

舊愛。釀大雞

一直以嚟對呢個牌子、呢個 pattern ge 銀包都情有獨鍾
年幾兩年前已經想換銀包, 專一 ge 我,
呢個牌子、呢個 pattern 當然係首選啦
可惜, 呢個 pattern 再搵唔返
咁啱近日有個朋友俾咗張 Salad ge 7折 coupon 我,
咁就比個藉口自己, 拋掉舊愛
oh my love~~~~ 你會永遠喺我心裏面架



睇大少奶個卜, 佢整糯米雞, 我就將個餡由糯米轉咗做
栗子、蓮子、蝦米、冬菇 & 秀珍菇
用荷葉包住放入高速煲蒸一個鐘

 
見大少奶蒸完出嚟隻雞好濕潤架, 我嗰隻就乾爭爭咁
唔知邊度出錯