烤雞。紫菜卷。卡邦尼長通粉

得閒冇事做, 我又嚟試整 d 新嘢

韓式青瓜蟹柳紫菜包飯
5 塊紫菜, 兩 mug 米, 仲以為飯會有多, 點知反而唔夠
下次要預 2.5-3.0 mug 米先得

蜜味烤雞
個皮雖然肉酸咗d, 但係個皮好脆架, 我 like


卡邦尼長通粉
睇個食譜, 一 d 都唔難煮, 但我就..........
個食譜教將醬汁倒落意粉度快手兜廿秒,
我見 d 芝士好似唔溶咁, 就繼續開住火嚟兜,
結果醬汁入面 ge 蛋熟哂

下次要跟足食譜再試吓先得

舊愛。釀大雞

一直以嚟對呢個牌子、呢個 pattern ge 銀包都情有獨鍾
年幾兩年前已經想換銀包, 專一 ge 我,
呢個牌子、呢個 pattern 當然係首選啦
可惜, 呢個 pattern 再搵唔返
咁啱近日有個朋友俾咗張 Salad ge 7折 coupon 我,
咁就比個藉口自己, 拋掉舊愛
oh my love~~~~ 你會永遠喺我心裏面架



睇大少奶個卜, 佢整糯米雞, 我就將個餡由糯米轉咗做
栗子、蓮子、蝦米、冬菇 & 秀珍菇
用荷葉包住放入高速煲蒸一個鐘

 
見大少奶蒸完出嚟隻雞好濕潤架, 我嗰隻就乾爭爭咁
唔知邊度出錯

爆。爆。爆。谷。。。

絶少喺假期出卜 ge 我, 今日都忍唔住要開個腦,
嗱嗱淋記得今日 d 白痴嘢


我好鍾意食爆谷架, 平時我會去無印買嚟食, 但今日心血來潮想自己整

整之前就好有信心, 但到真係要整時, 就發覺好多嘢由個腦度湧出嚟
  

我將所有材料放哂落個 pan pan 度, 就開始諗

1.  會唔會爆到好似燒炮仗咁???
2.  個鑊蓋會唔會被爆到飛起???

就係因為咁, 我一開始就按實個鑊蓋, 慌 C 佢會彈走咁
唉.........咪就係諗多咗囉
  

我掛住按實個鑊蓋, 唔記得咗要不停咁搖吓個 pan pan, 
結果底嗰層真係焦哂, 好彩, 又未至於全部唔食得

有咗今次經驗, 下次唔使驚啦
  

滾。滾。滾

上個星期五, 約咗幾個朋友殺去北角試咗呢間火鍋店

店員推介湯底 : 金屋藏嬌
入面有冬瓜、半隻雞、蟲草花、大蔥、菇菇、紅棗、竹笙...........


COUPON 送 ge 石蚌魚刺身
我食食吓見到佢郁, 嚇 C 禾, 以後呢 d 活魚刺身都係唔好搞我


其他食物方面都幾好, 唯獨呢個豬頸肉就怪怪哋
打邊邊 ge 肉點會切得咁厚, 仲要係醃過
 

 

炸魚皮 & 花枝片

 

四寶丸、芝士腸、生菜、蘿蔔、粟米 & 鬼馬油條
 

 

 雲吞 & 響鈴 

 

安格斯牛頸脊、黑豚豬腩片 & 韮菜餃
 

呢間食物就 OK , 不過服務就麻麻喇,
我哋坐低咗之後, 諗住比張 COUPON 佢, 問佢係咪有刺身送,
個女侍應全程係企喺兩三個身位之後 ge 樓梯位置同我講嘢囉,
一 d 要行過嚟 ge 意識都冇;
叫佢換碟, 又係唔想換咁;
到我哋食完, 啱啱放低筷子啫,
佢就走過嚟同我哋講「你哋食完喇呵, 我上埋個生果比你哋」,
使唔使咁趕呀 

成餐飯, 我都見到嗰兩個女侍應掛住企喺樓梯邊傾偈,
坐我哋後面有兩個鬼佬, 簽咭埋單,
店方可能唔想比壓力顧客, 所以放低張單就行開咗,
點知冇耐, 其中一個女侍應先發覺兩個鬼佬成份單都攞走埋,
結果當然搵唔返兩個鬼佬啦,
呢兩個女侍應, 真係炒得啦