自家製白糖糕 (後加黑白雙........糕)

最近喺網上成日見到有人整白糖糕, 自己心思思又試吓先

經過一輪功夫, 搞件咁 ge 嘢出嚟


樣就似 ge, 不過味度呢.......應該發酵過度, 酸酸哋

哼~~~ 失敗乃成功之母, 我會再試 ge




死心不息, 星期六又整

今次將個發酵時間大大縮短, 只發酵個半鐘

做出一個唔酸 ge OK 版

魚爸's B-Day 2012

每年家中長老生日, 我哋都會提早同佢哋食晚飯, 通常都會揀星期六,
起碼第二日唔使返工返學, 可以瞓晏 d 都得

今年魚爸生日飯, 我哋揀咗呢一間

 

 

 

 

 

 


到魚爸生日正日, 我就攞咗假陪佢飲茶
 

 

 

 




飲完茶去咗行超市, 又買咗個榴槤, 今次係 D24



行行吓魚爸走開咗, 佢返嚟時見佢揸住袋嘢,
原來係杏仁餅、花生糖 & 藍莓乾
(早兩日我先講過好耐冇食杏仁餅, 佢見經過就買比我食,
我自己反而冇咗件事)



夜晚就簡簡單單喺屋企食飯,
魚爸 ge 孫仔孫女仲買咗個蛋糕送比佢


今年魚爸超開心, 因為多咗個孫女陪佢慶祝生日

飯後甜品 (II)

之前聽聞飯後唔好食生果, 應該要飯前食喎,
不過.........我改唔到, 都係飯後先食

魚爸喺街市買, 細細粒仲要冇核 ge 荔枝, 好清甜, 好好味

早幾日行過吉豬島, 又有馬來西亞貓山王賣, 忍唔住又要買嚟食,
呢盒嘢承惠二百五十大元,
好羨慕 ROCKY 媽架呢


最近瀏覽 "鬼嫁" 個 BLOG, 見佢整芒果雪葩, 我又要試吓
有屋企成員唔食得芒果, 咁就用菠蘿啦

靈異事件2則 (驚者勿進)

見到 39547細妹個 BLOG 度講開靈異事件, 我又好想分享吓家人 ge 經歷

事件一
人物 : 魚爸 & 魚媽
地點 : 大陸姑姐屋企 (一幢三層高樓房, 地下係舖, 二樓係家人住, 三樓係客人住, 魚爸&魚媽住三樓其中一間套房)

當時正值炎夏，魚媽沖涼時竟然覺得凍，雖然佢都覺得奇怪，不過冇諗到咁多嘢，到夜晚瞓瞓吓覺，佢哋聽到厠所有聲，魚爸以為有賊，於事靜靜雞行去厠所望吓啦，點知望唔到有人不特止，反而比一股好強 ge 力量將佢推開，魚媽見狀，諗住去扶魚爸啦，都未行到魚爸度又比股力量推返落床，如事者，魚爸不停比股力量將佢生魚咁撻，魚媽驚到唔知點好，想幫魚爸又比嘢推開，唯有開門去搵人幫手，點知又開唔到，已經係咁嗌救命，都冇人聽到，喺驚惶失惜 ge 情況下，魚媽不停地嘗試開門逃走，最終魚媽走得甩，落樓下搵人打救，魚媽簡單交待事件，就成班人走上樓，不停嘗試開房門，又大聲同隻嘢講唔好搞阿哥之類 ge 說話，冇耐，度門開得喇，一開門就見魚爸軟攤喺門側邊，不停地話左邊膊頭好痛、唔郁得。
第二日姑姐就話去問米，原來打人隻嘢係姑姐個老爺，佢以為魚爸魚媽係賊，不過隻嘢保證唔會再搞佢哋，叫佢哋放心住喎 @@

嘩~ 咁搞法仲點放心住呀, 唔嚇到心臟病法都算偷笑啦

嗰次之後, 魚媽就冇再喺嗰度住過，反而魚爸唔驚，仲夠膽一個人喺嗰間房度瞓，而靈異事件2亦都喺同一地點發生...........

又係炎夏的一個晚上，只有魚爸一人，當時佢開咗冷氣諗住瞓覺啦，但仲係覺得熱，咁魚爸就講咗句 :「搞錯呀，開咗冷氣都咁熱架!!!」
跟住身後就有把聲同佢講 :「你熱我咪走囉.........」
魚爸都打咗個突，佢擰轉身就見到一個著唐裝衫，戴住頂帽 ge------應該係鬼同佢講拜拜，魚爸亦回敬返佢一句拜拜，隻嘢就走咗喇，跟住個房又開始涼返

我都有問魚爸係咪嚇到傻咗，竟然同隻嘢 say bye

又一大籃 ~ 糭

臨近端午, 又係魚媽出手包糭派街坊 ge 日子喇

呢度只係二分一咋

每年都整60-70隻鹹肉糭, 加埋魚爸 "飛佛" - 鹼水糭
魚媽一個人, 一日搞掂, 勁呀
魚媽包 ge 糭最合我口味



早兩日父親節, 我哋冇乜特別慶祝,
係咁咦買咗個 cake cake 比家中爸級成員嘆嘆