恭喜發財~

年, 又過年, 共慶歡樂年年.........

新ge一年又到喇, 我喺度祝各位blog友身體健康、事事如意、心想事成

一年一仆

舊年就喺某巴士站仆到個膝頭哥損哂, 今年事發地點就係估都估唔到ge地方 - 屋企門口

........

 

今日返到屋企好正常咁開鐵閘, 一開就聽到阿媽話"小心......", 句說話都未講完, 我就成個人飛扒咗入屋

; 事源阿媽唔知點解喺門口度加咗塊板, 我又冇為意喎, 就係咁就仆咗喺度, 嚇到阿媽即刻飛撲埋嚟扶起我。

 

事後檢查傷勢, 上五寸下五寸比塊木板慣到瘀咗, 一隻手指冇咗一小忽肉

 

唔知係咪仆傻咗, 呢件事竟然令我笑咗成晚

估唔到都幾好味喎

琴日心血來潮想幫阿媽煮吓餸, 結果整咗以下兩樣 ~



沙嗲雞串

唔記得用香茅醃肉呀, 不過好彩有吵嗲醬搭夠。



糖醋排骨

真係估唔到, 連兩個姨甥都話yummy

~

帶着傷感走進2010

從來都不是一個愛拍照的人, 以往的生活點滴都只印在腦海裏; 直至有一天, 姨甥女嚷着要把生活上的每一刻都拍下來時, 我卻反問自己是否應該學學她, 為自己的記憶留下一點真實的憑證?

 

一直以為自己已經可以從容地面對她的離去時, 事實卻告訴我-不能

 

在踏入新一年的那一刻, 沒有想像中的興奮, 換來的卻是傷感~

 

傷感的是以後都不能再聽到她叫我一聲 ”家姐”...............