魚媽's B-Day

上個星期五魚媽正日生日, 諗住請假陪佢飲茶行街啦,
點知佢一早起身嗌頭暈, 生日先嚟病, 真係..............

好彩提早同佢慶祝咗啫, 唔係就掃興lu

嗰日我哋去咗打邊邊

辣雞煲, 食完 d 雞就加湯打邊邊, 對我嚟講就辣咗d

 

火焰龍蝦鍋 - 佢係喺個鍋入面點火架, 不過我影唔到

 

 

 

 

 

 

 

Happy Day

上個星期六, 約咗幾個朋友去 Yamm 食 Tea Buffet, 睇返 d 相,
我都唔係食咗好多嘢啫, 但就飽到上心口. 連晚餐都食唔落

呢間嘢食物都係普普通通咁, 反而飲品比較特別
相中 ge 係薄荷+香草(朋友話係香茅)+青檸, 個感覺好清新
另一款係蘋果+紅蘿蔔+薑, 我覺得似飲緊凍 ge 薑味蕃薯糖水

 

 

 

食到咁飽, 要做吓運動消化吓先得,
之前睇電視知道漫畫星光大道開咗,
咁近, 梗係要去睇睇啦

王小虎 & 十三點, 雖然我未睇過, 但都識佢哋
 

哨牙珍我識架, 玉朗漫畫架嘛;
仲有低能之道 ge 馬仔, 佢 d 漫畫我睇哂架

 

加多幾張阿囉影 ge
  

 

嗰晚十點幾又開始肚餓, 好彩屋企有雞粥同油炸鬼,
食埋個宵夜先瞓

宿敵 + 自家晚餐

如何可以不怕牠..................

早幾日臨瞓前挨喺床度睇睇吓書,
眼尾睄到有 d 嘢喺床邊由上而下飛咗落地,
我已經即時伸個頭去望吓係乜, 哼~~ 乜都見唔到

心諗..... 算數...... 眼不見為乾淨

典知冇耐, 佢竟然玩撲燈, 仲係撲盞床頭燈

我一路望住佢, 盤算緊點樣對付佢, 等佢停咗喺度,
我就雞手鴨腳咁搵個义電機怕佢,
結果呢.................係拍唔到 ge, 佢仲繼續伏咗喺盞燈度,
我見我又唔敢打佢, 不如同佢嚟個協定
「嗱~~ 河水不犯井水, 你唔周圍飛, 唔嚇我, 我唔會理你」

哈~~ 講完之後, 佢竟然跌咗落個櫃條隙度, 到我瞓覺嗰刻都冇見過佢

可能比我 ge 白痴嚇瓜咗



前天的晚餐, 又嚟搞搞震, 無幫襯

我好鐘意食肉燥架, 不過喺出面食親嗰 d 都勁油,
今次自己試吓整

冇花椒、八角 & 小茴香 ge 肉燥撈麵 & 欠缺九層塔 ge 三杯雞

 

仲有洋蔥香草炒蜆 & 甜品-日式年糕伴紅豆蓉

 

第一次 + 簡陋版豚肉泡菜鍋

琴日, 獻出咗我 ge 第一次...................
 就係去投票喇, 特意寫返篇卜嚟記念吓先


食埋個 late lunch 就向投票站進發



Dinner 整咗個超簡陋版豚肉泡菜鍋

材料就只得泡菜、大白菜、金菇 & 豚肉
食譜入面要放 ge 辣醬、大蒜 & 韮菜都冇落,
因為魚家有人怕辣, 有人怕大蒜 & 韮菜味
幸好味道尚算 OK

自家製..........酵素

今次唔整糕啦, 轉轉新嘢, 整酵素

聽講可以排毒, 我咁毒......啱哂

浸咗一個星期 ge 波蘿酵素
我得閒就搵嘢撩吓佢, 唔撩會好大陣酒精味

提子 & 龍眼酵素
聽講飲咗龍眼酵素會好瞓 d, 魚媽成日失眠, 整嚟比佢試試