飯後甜品 (II)

之前聽聞飯後唔好食生果, 應該要飯前食喎,
不過.........我改唔到, 都係飯後先食

魚爸喺街市買, 細細粒仲要冇核 ge 荔枝, 好清甜, 好好味

早幾日行過吉豬島, 又有馬來西亞貓山王賣, 忍唔住又要買嚟食,
呢盒嘢承惠二百五十大元,
好羨慕 ROCKY 媽架呢


最近瀏覽 "鬼嫁" 個 BLOG, 見佢整芒果雪葩, 我又要試吓
有屋企成員唔食得芒果, 咁就用菠蘿啦

靈異事件2則 (驚者勿進)

見到 39547細妹個 BLOG 度講開靈異事件, 我又好想分享吓家人 ge 經歷

事件一
人物 : 魚爸 & 魚媽
地點 : 大陸姑姐屋企 (一幢三層高樓房, 地下係舖, 二樓係家人住, 三樓係客人住, 魚爸&魚媽住三樓其中一間套房)

當時正值炎夏，魚媽沖涼時竟然覺得凍，雖然佢都覺得奇怪，不過冇諗到咁多嘢，到夜晚瞓瞓吓覺，佢哋聽到厠所有聲，魚爸以為有賊，於事靜靜雞行去厠所望吓啦，點知望唔到有人不特止，反而比一股好強 ge 力量將佢推開，魚媽見狀，諗住去扶魚爸啦，都未行到魚爸度又比股力量推返落床，如事者，魚爸不停比股力量將佢生魚咁撻，魚媽驚到唔知點好，想幫魚爸又比嘢推開，唯有開門去搵人幫手，點知又開唔到，已經係咁嗌救命，都冇人聽到，喺驚惶失惜 ge 情況下，魚媽不停地嘗試開門逃走，最終魚媽走得甩，落樓下搵人打救，魚媽簡單交待事件，就成班人走上樓，不停嘗試開房門，又大聲同隻嘢講唔好搞阿哥之類 ge 說話，冇耐，度門開得喇，一開門就見魚爸軟攤喺門側邊，不停地話左邊膊頭好痛、唔郁得。
第二日姑姐就話去問米，原來打人隻嘢係姑姐個老爺，佢以為魚爸魚媽係賊，不過隻嘢保證唔會再搞佢哋，叫佢哋放心住喎 @@

嘩~ 咁搞法仲點放心住呀, 唔嚇到心臟病法都算偷笑啦

嗰次之後, 魚媽就冇再喺嗰度住過，反而魚爸唔驚，仲夠膽一個人喺嗰間房度瞓，而靈異事件2亦都喺同一地點發生...........

又係炎夏的一個晚上，只有魚爸一人，當時佢開咗冷氣諗住瞓覺啦，但仲係覺得熱，咁魚爸就講咗句 :「搞錯呀，開咗冷氣都咁熱架!!!」
跟住身後就有把聲同佢講 :「你熱我咪走囉.........」
魚爸都打咗個突，佢擰轉身就見到一個著唐裝衫，戴住頂帽 ge------應該係鬼同佢講拜拜，魚爸亦回敬返佢一句拜拜，隻嘢就走咗喇，跟住個房又開始涼返

我都有問魚爸係咪嚇到傻咗，竟然同隻嘢 say bye

又一大籃 ~ 糭

臨近端午, 又係魚媽出手包糭派街坊 ge 日子喇

呢度只係二分一咋

每年都整60-70隻鹹肉糭, 加埋魚爸 "飛佛" - 鹼水糭
魚媽一個人, 一日搞掂, 勁呀
魚媽包 ge 糭最合我口味



早兩日父親節, 我哋冇乜特別慶祝,
係咁咦買咗個 cake cake 比家中爸級成員嘆嘆

鮮茄炆豬肋骨 & 香茜洋蔥炒花甲 + 粟米汁

今期又嚟搞搞震, 整返餐簡單 ge

鮮茄炆豬肋骨~

整完出嚟勁多水
魚媽話用高速煲唔使比咁多水, 下次要再試過

香茜洋蔥炒花甲~

Yummy 嗲~~

嚟個大合照

Lunch 時經過一間 Cake Shop, 見到有雜誌介紹 ge 粟米汁
冇防腐劑、冇添加

海洋公園免費一天遊

夏天都未正式來臨, 就已經熱到嘔

新開 ge 香港老大街

我都想好似你咁嘆呀

加埋窩心蛋糕

巴西無花果

魚媽喺惠記超市買 ge 新鮮無花果, 來自巴西, size 比南非 ge 大

甜度就遠遠不及南非嗰隻


兩者價錢都係差唔多, 但南非無花果就好味好多

新鮮無花果

呢篇 BLOG 其實係 4 月 7 號已經 POST 咗, 但成日比鴉烏食完又嘔, 嘔完又食, 明明係公開, 但就只有自己先睇到, 我唔忿氣, 再出過

***********************************************

新鮮的無花果, 一直都好想試,
但又唔知邊個產地先係最好味
咁啱早幾日喺人哋個 blog 度見到, 話南非無花果好甜,
咁就梗係要留意吓, 睇吓有冇得賣啦,
估唔到噚日逛吉記超市時比我發現到有得賣呀,
再睇清楚, 係南非架, yeah!!! 決定買嚟試試

望落都 ok 啦, 得返一盒, 冇得揀

真係幾甜架喎