新鮮無花果

新鮮的無花果, 一直都好想試,
但又唔知邊個產地先係最好味
咁啱早幾日喺人哋個 blog 度見到, 話南非無花果好甜,
咁就梗係要留意吓, 睇吓有冇得賣啦,
估唔到噚日逛吉記超市時比我發現到有得賣呀,
再睇清楚, 係南非架, yeah!!! 決定買嚟試試

望落都 ok 啦, 得返一盒, 冇得揀

真係幾甜架喎

行山樂

好耐都冇行過山喇, 見琴日冇乜嘢做, 約埋兩個姨甥去行吓先

個山喺我屋企後面, 好方便

有一小段我覺得幾危險, 因為係斜路兼係泥沙, 石仔地, 雖然條路都好濶吓, 但兩邊係山崖, 有乜 e 郁就會碌咗落去, 唔好話我蛇 gwer, 我真係幾驚架, 之前魚爸魚媽行山, 我都叫佢哋唔好行呢段

但我哋琴日好勇, 決定行埋呢段

我同姨甥女就行到鬼咁慢, 真係慌死碌咗落山咁, 但喺我哋側邊行 ge 人就個個都好輕鬆, 連行後面 ge 人都過埋我哋頭, 睇嚟應該都係我哋弱雞囉

我哋來回用咗兩個半鐘頭, 全程冇乜點停過, 好攰呀, 不過得閒接觸吓大自然, 真係好舒服

製成品 - Part II

呢幾個月嚟手痕兼得閒冇嘢做, 又攞返以前學過 ge 嘢出嚟玩

真係太耐冇做 lu, 學過 ge 嘢都還返哂畀老師 tim,
就連買邊隻黏土都忘記埋,
結果第一隻買返嚟 ge 唔啱心水, 要再搵過,
好彩又比畀我喺屋企附近搵到以前用開嗰隻,
唔使山長水遠走到去紅磡買啫

今次做咗一種花, 只係顏色唔同; 呢盤送咗比貓姐

呢盤就係田田姐 ge

呢兩盤就送比 TOMA & JOJO ge

小小心意, 不成敬意

魚爸魚媽 ~ I LOVE U

魚媽 : 「點解你仲未落樓梯架???」

魚魚 : 「我過緊馬路喇喎!!!!」


事緣每朝返工, 我都會行樓梯落樓,
魚媽一定會睇住個閉路電視, 見我離開咗幢大廈先安心 ge,
一來驚我喺樓梯 PK 拗柴冇人理 (因為有前科),
二來應該係驚佢咁標緻 ge 女兒比色魔小偷睇中
(就嚟連個醜字都唔識寫喇)


魚媽負責早更, 魚爸就負責夜更,
每次我去街夜返, 一過 10 點, 佢就要落樓接我,
有時我唔想佢走來走去, 佢打電話比我時我都會呃佢啱啱先上車,
點知一落車, 佢已經喺車站等緊我,
自此之後, 我就唔敢再呃佢, 不過就叫佢唔使行咁遠, 喺樓下等就得喇


佢哋話呢 d 就叫做「養兒一百歲, 長憂九十九」喎,
咁我都明 ge , 不過你哋唔使咁擔心啦,
你哋個女我識得保護自己架喇



又嚟簡易醉雞翼, 我平時用開醉雞汁,
最近聽人講香糟露仲好味, 咁我又試吓啦

左係用香糟露整 ge, 酒味比右邊用醉雞汁整 ge 濃 d 同香 d,
I like it

傻咗 ~~~

呢幾晚硬係覺得屋企 d 燈眨吓眨咁, 唔知係咪唔明顯呢,

屋企人竟然反應喎, 我又冇出聲,
驚佢哋以為我有病, 嚇親佢哋就唔好啦

正盤算緊係咪要去 check 吓 ge 時候, 魚爸從廚房行出嚟,
跟住講咗句 : 「乜盞燈眨吓眨吓呀???」


我即時好似學生咁, 舉手同魚爸講 :
「乜你都覺呀!!?? 我仲以為我自己有病咋!!!!!」


呢 d 咁 ge 瘀事梗係要同我 d honey 分享吓啦, 除咗比佢地笑之餘,
仲要比佢哋話我真係有病, 要睇精神科醫生喎

呢個係早前試整 ge 生炒糯米飯, 真係生炒架, 原來好易整架咋