清湯蜆

今日又手痕, 跟住唐安麒個blog入面d食譜, 整咗個清湯蜆

 

個湯係用香矛、南薑、檸檬葉同洋蔥慢火煲20分鐘, 等d香料ge味出哂先放蜆入去煮熟, 個湯好香, 仲有d冬陰公feel tim

 

姐手姐腳ge我, 今次又要搵人救駕喇...............

 

當我準備好哂d材料, 首先就爆香d洋蔥, 嘩~~~ 一倒d洋蔥落個煲度, 噼嚦啪啦之聲不絶於耳, 嚇到我瑟縮喺廚房ge一角, 冇幾耐魚爸就走入嚟救我, 仲同我講 :「d洋蔥得把聲咋嘛, 使乜咁驚.....」

 

好啦, 到我倒咗d蜆落個煲之後, 咪諗住可以走人囉

, 點知魚媽同我講 :「你走架嗱? d蜆個殼就爆lu喎!!」 我話 :「吓?! 你又知佢就爆??」 魚媽用個好得戚ge樣望住我 :「你一路望住佢咪知囉~」 魚媽唔知點解突然間咁有幽默感呢

 

 

飄來榴槤之香~~

估唔到今日都仲收到冰皮月餅, 細佬話佢食過好正, 所以買返嚟比我哋食喎, 乜e+仲有月餅賣架咩

唔理lu, 最緊要好食冇過期

榴槤冰皮月餅

我唔太鐘意食冰皮月餅架, 不過呢個真係好好味, 入面勁多榴槤肉, 個味都好自然, 好似新鮮榴槤肉咁, 我諗我可以一次食一個呀

仲有一盒D24榴槤ice-cream, 不過呢個未食, 唔知係咪都係咁好食呢

可憐的小肥

 佢都係我ge姨甥 - 肥肥

, 可憐ge佢早兩日唔知做乜肚瀉, 星期六帶咗佢去睇醫生, 去到醫務所, 佢竟然趁登記時喺人哋度撒尿

, 真係唔知好嬲定好笑, 輪到佢見醫生時, 行到房門口竟然坐咗喺度, 唔肯入去喎, 唔知係咪驚呢, 冇法啦, 唯有抱佢入去, 好彩, 醫生話佢冇乜事, 只係腸胃炎啫, 返到嚟食咗幾次藥, 已經冇再肚瀉; 希望佢乖乖哋啦, 唔好再病喇

意式晚餐@葵芳

琴晚一行三人去咗葵芳試呢間意大利餐廳, 個feel都幾好架, 不過d坐位就迫咗d, 真係隔離講乜都聽到呀

, 食物方面呢, 我同貓貓都覺得ok架, 但野田就

..............



頭盤 : 一人一份冇得爭

野田ge黑毛豬火腿伴蜜瓜 & 餐湯

我同貓貓ge香煎鵝肝蒜蓉多士

主菜 : 三個人share嚟食



唔知咩咩羊架 & 薯條伴黑松露醬

烤帶子大蝦什錦海鮮

什菌意大利飯伴暖煙三文魚, 上面仲有兩小片黑松露tim

跟住最後就係甜品, 呢個唔好食

野田 ~ 你冇事吖嘛???????

終於......驚完喇

杜牙根療程終於都做哂喇

, 只係第一次需要打麻醉針, 第二次同 final 就直情連針都唔使打, 最初我都好驚唔打麻醉針會好痛架

, 不過好彩個感覺唔係咁大啫; 同埋都要多謝個醫生, 佢好nice架, 仲好似氹細路咁氹我呀, 搞到我都有d唔好意思tim

 

整完牙, 食神又開始嚟喇, 呢兩日 Manager A & B 爭住請我哋食 lunch, 琴日就去飲茶, 今日就去咗別府, 唔知會唔會陸續有嚟呢

又要肉隨砧板上 =.=

我排牙真係多災多難

, 話說喺過去10年內已經因為4隻智慧齒唔夠位生而要開刀剝咗佢, 嗰吓都未驚完, 個牙醫就同我講我仲有3隻叫「梁氏小臼齒」ge傢伙, 痛ge時候就要做杜牙根

, 本來諗住咁多年都冇事, 應該都唔使驚啦, 點知........早兩日有一隻開始唔舒服, 到今日仲痛tim, 唉~~ 真係避無可避, 仲要我係超驚睇牙醫架, 點解會咁架.........

♥ 真係 Sweet 到爆呀 ♥

世界杯終於都曲終人散la, 而最能令我留下深刻印象ge多數都係守門員, 繼好耐之前ge阿根廷門將Sergio Goycochea之後, 今屆就留意到呢位耶辛獎(最佳守門員)得主 - IKER Casillas

 

佢喺賽後接受身為電視女主播的女友訪問時.........

真係sweet到爆呀