魚爸魚媽 ~ I LOVE U

魚媽 : 「點解你仲未落樓梯架???」

魚魚 : 「我過緊馬路喇喎!!!!」


事緣每朝返工, 我都會行樓梯落樓,
魚媽一定會睇住個閉路電視, 見我離開咗幢大廈先安心 ge,
一來驚我喺樓梯 PK 拗柴冇人理 (因為有前科),
二來應該係驚佢咁標緻 ge 女兒比色魔小偷睇中
(就嚟連個醜字都唔識寫喇)


魚媽負責早更, 魚爸就負責夜更,
每次我去街夜返, 一過 10 點, 佢就要落樓接我,
有時我唔想佢走來走去, 佢打電話比我時我都會呃佢啱啱先上車,
點知一落車, 佢已經喺車站等緊我,
自此之後, 我就唔敢再呃佢, 不過就叫佢唔使行咁遠, 喺樓下等就得喇


佢哋話呢 d 就叫做「養兒一百歲, 長憂九十九」喎,
咁我都明 ge , 不過你哋唔使咁擔心啦,
你哋個女我識得保護自己架喇



又嚟簡易醉雞翼, 我平時用開醉雞汁,
最近聽人講香糟露仲好味, 咁我又試吓啦

左係用香糟露整 ge, 酒味比右邊用醉雞汁整 ge 濃 d 同香 d,
I like it